पिंपळपान

माझे जगणे पिंपळपानासारखे असावे
जोपर्यंत जीवंत असेल वृक्ष
तोपर्यंत रहावे ताजे, टवटवित

अगदी शेवट जवळ आल्यावरही
अलगद तरंगत खाली यावे
कोणालाही ओझं न बनता

जीवनातला सगला हिरवेपणा गेला
तरी उरलेल्या रेघांची जाळी
इतकी सुंदर असावी की

कोणीही पटकन उचलून घ्यावे
मनाच्या कोपरयात जपून ठेवायला
किंवा एखाद्या अगदी आवडत्या
व्यक्तीला देऊन टाकायला

माझे जगणे पिंपळपानासारखे असावे !