राहूनच गेले !

जगायचे जगायचे असे म्हणताना
जगायचे राहूनच गेले

जीवनाशी सूर जुळवताना

मुक्तपणे गायचेच राहून गेले

खूप काही अनुभवले
खूप काही सहन केले
अश्रूंच्या संगतीत राहताना
आनंदाच्या पावसात
भिजायचेच राहून गेले

नशिबाचे फासे उलटेच पडले
तरीही हा खेळ खेळतच राहिलो
सगळयान्ना सतत देण्यात
स्वताहाचे दान मागायचे

राहूनच गेले

वाटेतच खूपजण भेटले

काहीजण थांबले तर

काहीजण खूप पुढे निघून गेले

सगळयान्शी ओळख वाढवण्यात

स्वतःला ओळखायचेच

राहून गेले

तरीही अजून

जगायचयं असा म्हणताना

त्याचे कारण शोधायचेच

राहून गेले !