प्रवास

जीवनाचा अर्थ शोधत
मी जगत गेलो
प्रत्येक वेदनेचा
नवा अर्थ लावत गेलो!

तुटलेल्या नात्यांमधून

नवे संदर्भ जुळवत गेलो

गवासलेल्या आनंदातून

जुन्या जखमा भरत गेलो

अनोळखी वाटांवरून

उत्सुकतेने चालत गेलो
माणसांच्या गर्दीत चेहरा
ओळखीचा शोधत गेलो!

अनेक मनांच्या वस्तीत
कित्येक काळ राहात गेलो
त्या वस्तीतील सोहळे

रस्त्यावरून पाहात गेलो!

प्रत्येक स्पर्शाचा
नवा अर्थ लावत गेलो
नव्या स्पर्शताही
जुना गंध शोधित गेलो!

आयुष्यातील अफाट लाटांसमोर

कधी धिटपणे उभा राहिलो
अश्रुंच्या दोन थेंबांसमोर

कधी पुरता वाहून गेलो!